د کرنې سرپرست وزیر د ملګرو ملتونو دخوړو او کرنې ادارې رییس سره وکتل
۱ چنګاښ ۱۴۰۱ ه.ش
۲۳ ذوالقعده ۱۴۴۳ ه.ق
د کرنې، اوبولګولو او مالدارۍ سرپرست وزیر مولوی عبدالرحمن راشد دخپل کار په دفترکې په افغانستان کې د ملګرو ملتونو دخوړو او کرنې ادارې «FAO» رییس ريچارد سره وکتل.
په دې کتنه کې د هېواد په بېلابېلو ولایتونو کې د تېرې او نننۍ ورځې د زلزلې او سېلابونو زیانمو کسانو ته د مرستې پر رسونې خبرې وشوې.
د یادونې وړه ده، چې د تېرې شپې زلزلې په پکتیکا او خوست ولایتونو کې سلګونو کسانو ته مرګژوبله اړولې او لسګونه کورونه يې ويجاړ کړي دغه راز تېره ورځ په شمالي ولايتونو کې د بارانونو له امله سېلابونه ډېری کرنیزې ځمکې ویجاړ او کروندګرو او مالدارانو ته يې زيانونه اړولي دي.
