د زعفرانو قاچاق مخنیوي په پار نوی پرېکړه وشوه
۱۴ چنګاښ ۱۴۰۰
د کرنې، اوبولګولو او مالدارۍ وزارت د ترویج لوی رییس عبدالصبور رحماني، د هرات ولایت د کرنې په ریاست کې د یاد ریاست د چارواکو، د زعفران کارانو ملي ټولنې د رهبرۍ پلاوي، د پولیسو، ملي امنیت او د کرنې او سوداګرۍ خونې استازو په حضور کې، د یوې غونډې په ترڅ کې د زعفرانو د قاچاق د مخنیوي په پار خبرې وکړې.
دا غونډه، د زعفرانو د قاچاق د مخنیوي او د زعفرانو پیازو د وچلولو لاملونو او ازبیکستان ته د زعفرانو د صادراتو په پار جوړه شوې وه.
ددې غونډې په ترڅ کې له هېواد بهر د زعفرانو د قاچاق د مخنیوي په پار اړینې پرېکړې وشوې.
