هلمند کې د خرماوو د القاح شويو ونو حاصلات ډېر شوي

۲۴غبرګولی ۱۴۰۰
د هلمند دکرنې، اوبولګولو او مالدارۍ ریاست وایي، چې د یاد ریاست د فني او مسلکي کارکوونکو له خوا د خرماوو ونو د القاح کولو لړۍ ترسره شوې وه، چې په یاده پروسه کې ټولې هغه ونې، چې د عامو خلکو په کورونو، عام المنفعه ځایونو او ځمکو کې شتون درلود القاح شوې، چې حاصلات یې ور سره ډېر شوي دي.
ددې ترڅنګ هغو بزګرو ته چې، د خرماوو ونو بڼونه یې لرل د خرماوو ونو د ښې روزنې او پالنې په اړه عامه پوهاوی هم ورکړل شوي دي.
د هلمند د کرنې ریاست چارواکي وایي د خرماوو هغه ونې چې، په تېرو کلونو کې عملاً القاح شوي دي حاصلات یې ښه شوي دي.
 د دوی په خبره تر دې مخکې د خرماوو دغه ونې حاصلات نه ورکول، او وروسته تر دې چې، دغه ونې القاح شوې او په دې برخه کې د خلکو عامه پوهاوی زیات شو نو ورسره د خرماوو ونو حاصلات هم ښه شول.