ننګرهار کې په څه باندې څلور زره مالدارانو د څارویو خوراکي توکې ووېشل کېږي
۲۴ غبرګولی ۱۴۰۰
د ننګرهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې (FAO) په همکارۍ ددې ولایت پر ۴۱۴۴ وچکالۍ ځپلو مالدارانو د څارویو خوراکي توکي وېشي.
دا خوراکي توکي د سیمه ییزو چارواکو له خوا ددې ولايت په پنځو ولسواليو (شیرزاد، خوګیانی، چپرهار، کوټ او لعلپوري) کې پر وچکالۍ ځپلو مالدارانو وېشل کېږي.
پر وچکالۍ ځپلو مالدارانو د څارويو د خوراکي توکو وېش د لعلپوري له ولسوالۍ څخه پيل شوې، چې تر څنګ يې مالدارانو ته د څارويو د چنجيو ضد درمل هم ورکول کېږي.
