د اوبولګولو ۱۳۳ نوي شبکې ګټې اخیستنې ته وسپارل شول

content_admin
سه‌شنبه ۱۴۰۰/۲/۷ - ۱۶:۵۸
د اوبولګولو ۱۳۳ نوي شبکې ګټې اخیستنې ته وسپارل شول

۷ غویی ۱۴۰۰
د اوبو او برېښنا په اوونۍ کې د کرنې، اوبولګولو او مالدارۍ وزارت، د هېواد په ۱۱ ولایتونو کې د اوبولګولو ۱۳۳ نوي شبکې ګټې اخیستنې ته وسپارل.
د کرنې وزارت د اطلاعاتو رییس او ویاند اکبر رستمي وايي، چې د کرنې وزارت له خوا دا شبکې د ننګرهار، بلخ، هرات، بغلان، لوګر، کابل، بادغیس، پروان، تخار، کندز او بدخشان په ولایتونو کې جوړ شوي دي.
ښاغلی رستمي وویل، چې ددغو شبکو په جوړېدو سره د روان کال په ترڅ کې ۵۶ زره او ۸۶۳ هکټاره ځمکې د خړوبولو تر پوښښ لاندې راځي. د هغه په خبره له دغو شبکو څخه ګټه اخیستنه د هېواد د کرنې پر مخ نوی څپرکی پرانیزې.
د کرنې وزارت ویاند دغه راز وویل، چې په ۱۱ ولایتونو کې د اوبولګولو د ۱۳۳ شبکو په جوړولو کې، ۴۲۶ میلیون او ۵۲۵ زره او ۵۸۹ افغانۍ لګول شوې ده.
د کرنیزو حاصلاتو تلپاتې زیاتوالی، د ډېرو ځمکو خړوبول، د بې وزلۍ کچه ټیټول، د خوړو خوندیتوب، د اوبو د ضایعاتو مخنیوي، د وچکالۍ منفي اغېزې کمول او د کرنیزو محصولاتو د صادراتو زیاتوالی ددغو پروژو د جوړولو موخې دي.
اکبر رستمي زیاته کړه: « ددغو پروژو پلي کېدل او ترې ګټه اخیستل د بزګرانو د عوایدو زیاتوالي، کارموندنه او د کرنزو سیمو د زیاتوالي لامل کېږي. د کرنیزو حاصلاتو ۲۰تر۳۰ سلنه زیاتوالی او ۲۰تر۳۰ سلنه د اوبو د ضایعاتو مخنیوی د اوبولګولو د دغو شبکو د پلي کېدو او ګټې اخیستنې عمده اغېزې دي.»
په هېواد کې د کال لسګونه زره هکټاره ځمکې خړوبول، د کرنیز تولید او د کار زیاتوالي ته لار هواروي، چې په پایله کې د صادراتو د زیاتوالي او د هېواد د اقتصادي ودې لامل کېږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت