کونړ کې د بزګر ورځ بزګرانو ته د ډالیو په ورکولو سره ونمانځل شوه
![کونړ کې د بزګر ورځ بزګرانو ته د ډالیو په ورکولو سره ونمانځل شوه](https://www.mail.gov.af/sites/default/files/2021-03/whatsapp_image_2021-03-25_at_10.53.01_am_1.jpeg)
۵ وری ۱۴۰۰
د کونړ د کرنې، اوبولګولو او مالدارۍ رياست له خوا د وري دويمه د بزګر ملي ورځ ددې ولايت د سيمه ييزو چارواکو او يوشمېر اوسېدونکو په شتون کې د شاندارو مراسمو په ترڅ کې ونمانځل شوه.
په دې غونډه کې د کرنې وزارت د بڼوالۍ ځنځیري ارزښت دودې سکټوري پروژه «HVCDSP» د بزګرانو د لا هڅونې په پار پر ۲۸ ښځینه بزګرانو د درې میلیونه او ۹۳۴ زره افغانیو په ارزښت د سبو او مېوو لمریزې دستګاوې ووېشل او ترڅنګ یې یاده پروژه ۲۳ هغو بڼوالو ته چې د پسرلي په موسم کې ورته د سټروسو متراکم بڼونه جوړ شوي ول، د دوی د بڼونو د ښه مدیریت په پار پر دوی کرنیزې توکي او کیمیاوي سرې ووېشل.