د کرنې وزیر د ترکيې په قصري کې د غوا روزنې له يو فارم او د بورې فابريکې څخه ليدنه وکړه
۲۲ کب ۱۳۹۹
د افغانستان اسلامي جمهوريت د کرنې، اوبولګولو او مالدارۍ وزير ډاکټر انوارالحق احدي، ترکيې کې د خپل حضور په دوام، د قيصري ولايت د بورې فابريکې او په دې ولايت کې د غوا روزنې له يو فارم څخه ليدنه وکړه.
په دې ليدنه کې د قيصري ولايت د بورې فابريکې لوی رييس، حسن اکای د خپلو کاري برنامو او فعاليتونو په هکله د افغانستان د کرنې وزير ته مالومات ورکړل.
ښاغلی احدي، چې د يادې فابريکې بېلابېلې برخې کتل، وويل چې د افغانستان د کرنې او مالدارۍ په برخه کې د کارونې په پار د دې ډول فابريکو او فارمونو تجربه کولئ شي چې ګټور او اغېزناک تمام شي.
د قيصري د بورې فابريکه په ترکيې کې يو لوی توليدي بنسټ دی، چې تر خپل چتر لاندې يوشمېر نور فابريکې هم لري او د ورځې څه باندې ۳۰ زره ټنه بوره توليدوي.
