شنې خونې هلمند د سبو له پلوه ځان بسیا کوي

mail-admin
سه‌شنبه ۱۳۹۹/۱۲/۱۹ - ۱۱:۵۷
شنې خونې هلمند د سبو له پلوه ځان بسیا کوي

۱۹ کب ۱۳۹۹
هلمند چې د هېواد په کچه د سبو او بېلابېلو نباتاتو د موسمي فصل له مخې مشهور ولايت دى، په دې وروستیو کې بزګرو سره د شنوخونو جوړولو په برخه کې لازمې مرستې شوې او ترڅنګ یې په دې برخه کې یوشمېر بزګران روزل شوي دي، چې په ترڅ کې یې تر ډېره د دودیزې کرکېلې بڼه په عصري کرنې اوښتې ده.  دا مهال ددې ولايت بزګر خوښ دي، چې د شنوخونو د جوړېدو له بركته د ژمي او د کال په ټولو موسمونو کې هم کولای شي، چې د سبو او ترکاریو کرکېله وکړي او ددې ولایت د اړتیا پوره کولو ترڅنګ یې نورو ګاونډو ولایتونو ته هم صادر کړي.
د هلمند د کرنې، اوبولګولو او مالدارۍ رییس زلمی الکو وایي، چې ددې ولایت په مرکز لښکرګاه، ناوې، نادعلي او نهرسراج ولسوالیو کې بزګرو ته پلاستیکي تونلونه رغول شوي، ددې تر څنګ د خصوصي سکټور په مټ ګڼو بزګرو پخپلو ځمکو کې شنې خونې جوړې کړي دي.
هلمند کې د کرکیلې لپاره د شنوخونو او پلاستیکي تونلونو له دودیدو سره سم د بزګرو کرنیز کارونه غوړېدلي دي، او له بلې خوا هلمندیان چې تېر وخت به یې یوازې د ګرمۍ په موسم کې سابه په بازارونو کې موندل، اوس یې د کال هر فصل کې په خپل ولایت کې موندلی او خوړلئ شي.
د هلمند یو شمېر اوسېدونکي وایي، تمه لري د شنو خونو او پلاستیکي تونلونو له برکته په روان کال کې د رومیانو (ټماټرو)،رومي بانجان، مارو کډو، مرچ او بادرنګو د حاصلاتو له کمښت سره مخ نشي.
دمګړۍ د سبو بېلابېل ډولونه د هلمند په شنو خونو او پلاستیکي تونلونو کې راټوکېدلي او حاصلات یې د یاد ولایت د ښار په نږدې ټولو هټیو کې ليدل کېږي.
زلمی الکو وايي، چې د شنوخونو او پلاستیکي تونلونو  په جوړېدو سره د سبو کرکیلې نوې بڼه خپله کړې، چې بزګران هم له نویو هیلو سره دغه کار ته مخه کړې ده.
کروندګر وايي، شنې خونې او پلاستیکي تونلونه ښه عاید ورته لري.
په هلمند کې د شنو خونو او پلاستیکي تونلونو له دودېدلو ډېر وخت نه تېرېږي، دغه نوښت هم کروندګر لېوال کړي، چې خپل کاروبار ته پراختیا ورکړي او هم پېرودونکي تر څو پخپل ولایت کې تازه سبو ته لاس رسی ولري.
هلمندیان وایي، خوښ په دي چې اوس په هر موسم کې له بهره د وارد شوي خراب او خوسا سبو او تركاريو پر ځاى تازه او د خپلې خاورې سابه او ترکارۍ كورونو ته وړي.
هلمندیان خوښ دي، چې د دوی ولایت د سبو او ترکاریو د تولید په پرخه کې د بسیا کېدو پر خوا روان دی.
د هلمند د کرنې، اوبولګولو او مالدارۍ ریاست چارواکي وایي، دوی په دې ولایت کې د کرنیزو حاصلاتو د زیاتوالي او د موسمي نباتاتو د کرکېلي د پراختیا په پار هلې ځلې کوي او د شنو خونو او پلاستيکي تونلونو د حاصلاتو ښې پایلې دوی هڅولي، چې د شنو خونو د جوړولو لړۍ نوره هم پیاوړې او ګړندۍ کړي.

تازه ترین اخبار

شنبه ۱۴۰۳/۵/۶ - ۱۵:۲۹
Background image

د میدان وردګو جلریز کې پر سلګونو بزګرانو د غنمو اصلاح شوي تخمونو او کیمیاوي سرې وېش لړۍ پيل شوه 

۶ زمری ۱۴۰۳ه‍.ش
۲۱ مُحَرَّمُ الحَرام ۱۴۴۶ه‍.ق
د میدان وردګو ولایت د کرنې، اوبولګولو او مالدارۍ ریاست د ملګرو ملتونو دخوړو او کرنې ادارې په مالي او د «اسټارز» مؤسسې په تخنیکي همکارۍ ددې. . .

شنبه ۱۴۰۳/۵/۶ - ۱۵:۲۷
Background image

هلمند کې د شاتو مچیو روزنې د ټولنې له چاراکو سره ناسته ترسره شوه

۶ زمری ۱۴۰۳ه‍.ش
۲۱ مُحَرَّمُ الحَرام ۱۴۴۶ه‍.ق     
د هلمند ولایت د شاتو مچیو روزنې ټولنې مسولینو د کرنې، اوبولګولو او مالدارۍ ریاست اړوند د مالدارۍ او حیواني روغتیا امر حافظ هدایت الله. . .

شنبه ۱۴۰۳/۵/۶ - ۱۵:۲۴
Background image

د هلمند کجکي کې حيواني او نباتي درمل پلورنځیو څخه څارنه وشوه 

۶ زمری ۱۴۰۳ه‍.ش
۲۱ مُحَرَّمُ الحَرام ۱۴۴۶ه‍.ق
د هلمند د کرنې، اوبولګولو او مالدارۍ رياست اړوند د کجکي ولسوالی څارویو روغتیا او بوټو ساتنې مدیریتونو له لورې، ددې ولسوالی په مربوطاتو کې. . .

بازگشت