هلمند کې د مارو کدو حاصلات بازار ته وړاندې شول

۱۷ کب ۱۳۹۹
د هلمند د کرنې، اوبولګولو او مالدارۍ ریاست وایي، چې ددې ولایت د مارو کدو حاصلات بازار ته وړاندې شوي دي.
د هلمند دکرنې رییس زلمی الکو وایي، چې سږکال د هلمند ولایت په څه باندې ۶۲۴ هکټاره ځمکه کې مارو کدو کرل شوي دي، چې د اټکل له مخې هر هکټار یې ۱۲ مټریک ټنو کدو تولیدوي، چې په ټولیزه توګه به ددې ولایت د مارو کدو د حاصلاتو کچه به نږدې اووه زره او ۴۸۸ ټنو ته وسېږي.
د ښاغلي الکو په خبره له هلمند څخه هره ورځ لسګونه مټریک ټنه مارو کدو ګاونډیو ولایتونو ته صادرېږي.
زلمی الکو وایي، چې د هلمند ولایت په مرکز لښکرګاه او د یاد ولایت په یوشمېر نورو ولسوالیو کې ډول ډول موسمې سابه کرل شوي دي، چې تمه ده له وخت مخکې بازار ته وړاندې شي، چې تر ډېره په د وارداتو مخه ډب او په سیمه ییزه کچه به د سبو بیې ثابتې پاتې شي.