د سوېلي کوریا بورسیې لپاره د کرنې وزارت له ۸۰ کارکوونکو ازموینه واخیستل شوه

۱۳ کب ۱۳۹۹
د کرنې، اوبولګولو او مالدارۍ وزارت د بشري سرچینو ریاست له خوا د سوېلي کوریا د ماسټرۍ بورسیو لپاره ددې وزارت له ۸۰ کارکوونکو څخه ازموینه واخیستل شوه.
د کرنې وزارت د بورسیو مسوول محمدهارون ځدران وویل: «له ټولو داوطلبو کسانو څخه ۱۳۶ یې شارټلیسټ شوي و او په ازموینه کې ۸۰ کسان حاضر شول. له دې ډلې درې یې مېرمنې او ۷۷ نور یې نارینه دي، چې د بریالیتوب په صورت کې به سوېلي کوریا ته واستول شي.»
له دې ډلې ۱۲ هغه کسان چې، تر نورو ډېرې نمرې تر لاسه کړي، یادو بورسیو ته استول کېږي.