کابل کې د کوچیانو څاروي د لېونتوب (انټروټوکسیمیا) پر وړاندې واکسینېږي
۱۸ سلواغه ۱۳۹۹
د کابل دکرنې، اوبولګولو او مالدارۍ ریاست وایي، چې په دې ولایت کې د مالدارو کوچیانو د ملاتړ په پار، په یوشمېر ولسوالیو کې د کوچیانو څارویو ته د لېونتوب (انټرو ټوکسیمیا) پر و ړاندې د واکسین کمپاین پیل کړی دی.
د کابل دکرنې ریاست د مالدارۍ د خدمتونو آمر شکرالله وزیري وایي: «یاد کمپاین افغانستان لپاره د هالنډ کمېټې له خوا عملي کېږي، چې په ترڅ کې یې د کابل ولایت د سروبي، پغمان او ده سبز ولسوالیو کې د کوچیانو پر څارویو یوزر او ۲۰۰ ډوزه واکسینونه پلي کېږي.»
