د کرنې وزارت سږکال بزګرانو ته څه باندې یو میلیارډه افغانۍ پور ورکړی دی
![وزارت زراعت امسال بیش از یک میلیارد افغانی به دهقانان قرضه داده است](https://www.mail.gov.af/sites/default/files/2021-02/qrdh.jpg)
۱۶ سلواغه ۱۳۹۹
د کرنې، اوبولګولو او مالدارۍ وزارت د روان لمریز کال په ترڅ کې دوه زره او ۸۰۰ بزګرانو او د کرنې او مالدارۍ د برخې متشبثینو ته څه باندې یو میلیارډه افغانۍ پور ورکړی دی.
دا پورونه د کرنې پراختیا صندوق «ADF» له خوا چمتو او د کرنې وزارت له لارې پر یادو بزګرانو وېشل شوي دي. د دغو پورونو د ورکړې موخه د بزګرانو او دکرنې په برخه کې د لویو او کوچنیو متشبثینو ملاتړ او د دوی د کاروبار د غوړېدا په پار له دوی سره مرستې دي.