دکرنې وزیر: سروبي د سبو او بڼوالۍ لپاره ښې وړتیاوې لري

۷ سلواغه ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي د کابل ولایت سروبي ولسوالۍ ته په سفر کې، د یادې ولسوالۍ د پراختیایي شوراګانو له چارواکو، مخورو او یوشمېر اوسیدونکو سره په کتنه کې وویل، چې د سروبي ولسوالۍ د سبو کرکېلي او بڼوالۍ لپاره ښې وړتیاوې لري.
ښاغلی احدي وویل، چې سروبي دکابل ښار ته نږدې او ډېرې کرنیزې ځمکې لري. هغه وویل: «د کرنې په برخه کې د سروبي ولسوالۍ وړتیاوو ته په کتو باید په دې ولسوالۍ کې د سبوکرکېلي او مېوو بڼونو جوړولو باندې ډېر تمرکز ووشي.»
په همدې حال کې، د سروبي ولایت د پراختیایي شوراګانو چارواکو، قومي مخورو او ددې ولایت یوشمېر اوسیدونکو، د کرنې وزیر ډاکټر انوارالحق احدي سره په کتنه کې، د کرنې له وزیر څخه وغوښتل چې په دې ولسوالۍ کې لاډېرې پروژې پلي شي. په دې لیدنه کې یادو چارواکو وویل، چې پراختایي پروژې په انډولیزه توګه نه پلي کېږي او د کرنې له وزیر څخه د دوی غوښتنه دا وه، چې کرنیزې پروژې دې باید انډولیزې پراختیا په کتو په پام کې ونیول شي.