نیمروز کې د کرنیزو محصولاتو مدیریت ۳۵ پروژې ګټې اخیستنې ته وسپارل شول
۲۵ مرغومې ۱۳۹۹
د نیمروز په ولایت کې د کرنې، اوبولګولو اومالدارۍ وزارت د کرنیزو محصولاتو مدیریت پروژې اړوند د ۳۵ پروژو چارې بشپړ او د نیمروز د سیمه ییزو چارواکو له خوا نن، رسماً ګټې اخیستنې ته وسپارل شول. په دغو پروژو کې، چې ۲۰ ممیزخونې او د پیازو ۱۵ زېرمتونونه شامل دي، د نیمروز ولایت په مرکز زرنج او ددې ولایت د خاشرود، چهاربرجک او چخانسور په ولسوالیو کې ګټې اخیستنې ته سپارل شوي دي.
د نیمروز د کرنې رییس رشيدالله زلمی وایي یادې پروژې، چې د کرنې وزارت له خوا طرحه او تمویل شوي دي، ددې وزارت د بڼوالۍ او مالدارۍ ملي پروژې له لارې او د کلیو د پراختیا یي شوراګانو په مرسته پلي شوي دي.
په هغه غونډه کې، چې په همدې موخه جوړه شوې وه، د نیمروز والي زمریالی احدي، د نیمروز د کرنې ریاست او د بڼوالۍ اومالدارۍ ملي پروژې د ټیم د غړو هلې ځلې وستایلې او دغه راز د کرنیزو محصولاتو مدیریت د طرحې ستاینه یې وکړه او له بزګرانو یې وغوښت چې له یادو پروژو څخه په سمه توګه ګټه پورته کړي.
د یادو پروژې د پلي کېدو ټولیز لګښت ۳۵ میلیونه او ۹۵ زره او ۸۶۰ افغانۍ ده.
