د کرنې د پراختیا صندوق چارواکو دکرنې وزیر ته دخپلو برنامو په هکله مالومات وړاندې کړل
۲۰ لیندۍ ۱۳۹۹
د کرنې، اوبولګولو او مالدارۍ وزیر ډاکټر انوارالحق احدي دخپل کار په دفتر کې د کرنې د پراختیا صندوق د پلاوو له غړي او ددې صندوق د عالي شورا له رییس سره وکتل.
په دې لیدنه کې د یاد صندوق پر بېلابېلو کاري موضوعاتو د خبرو اترو ترڅنګ، د کرنې د پراختیا صندوق چارواکو، ددې صندوق د تشکیلاتود څرنګوالي، د عامل پلاوي مسوولیتونو او دندو، د صندوق د عالي شورا د کمېټو دندې، د کرنې په برخه کې پانګوالو او پزګرانو ته د پورونو د ورکړې په برخه کې ددې صندوق وروستي فعلایتونو او لاسته راوړنو په هکله د یوې «پریزینټیشن» له لارې مالومات وړاندې کړل.
په پای کې ښاغلی احدي د کرنې د پراختیا صندوق د پلاوو غړي او رییس ته د اړوندو مسوولیتونو او دوندو په برخه کې لازمې لارښوونې وکړې او ټینګار وکړ، چې باید هلې ځلې ووشي، ترڅو د کرنې په برخه کې پانګوالو او بزګرانو ته ځانګړې پاملرنه ووشي.
