د بادغیس ۹۰ تنه بزګران د صنعتي او تېلي نباتاتو د تولید په برخه کې وروزل شول
۱۷ لیندۍ ۱۳۹۹
د بادغیس ولایت د کرنې، اوبولګولو او مالدارۍ ریاست له خوا ددې ولایت ۹۰ تنه بزګران د صنعتي او تېلي نباتاتو د تولید او نورو کرنیزو برخو کې وروزل شول.
دغه دوه ورځنۍ روزنیز پروګرام چې د «صنعتي او تېلي نباتاتو د کرکېلي او پالنې» تر عنوان لاندې په لاره اچول شوې وه، ددې ولایت د قادس، آب کمري، مُقر او قلعه نو ولسوالیو یوشمېر بزګرانو په کې ګډون درلود.
د بادغیس د کرنې ریاست په پام کې لري، چې راتلونکی کال په دې ولایت کې د تېلي نباتاتو له ډلې، زغر، کونځلې، لمرګل او ممپلیو ۲۶ ننداریزې قطعې جوړې کړي.
