پکتیکا کې پر بزګرانو د غنمو ۲۲۸مټریک ټنه اصلاح شوي تخمونه وېشل کیږي
۲ لیندۍ ۱۳۹۹
د پکتیکا ولایت پر څلور زره او ۵۶۰ بزګرانو د ۲۲۸ مټریک ټنه اصلاح شویو غنمو تخمونو د وېش لړۍ پیل شوه.
د پکتیکا ولایت د کرنې، اوبولګولو او مالدارۍ ریاست وایي، چې ددې ولایت په څلور زره او ۵۶۰ بزګرانو د غنمو ۲۲۸ مټریک ټنه اصلاح شوي تخمونه، د سبسایډي په ډول د برخمن شویو بزګرانو په ۴۰ او د کرنې وزارت په ۶۰ سلنه لګښت وېشل کیږي، چې ورسره به ددې ولایت په زرګونه جریبه ځمکه کې د غنمو اصلاح شوي تخمونه وکرل شي.
د پکتیکا ولایت د کرنې ریاست وایي، چې د دغو اصلاح شویو تخمونو د وېش موخه په دې ولایت کې د غنمو د حاصلاتو زیاتوالی او د بزګرانو ملاتړ دي.
