بادغیس کې سږ د زعفرانو ۱۳ ننداریزې قطعې جوړ شوي
![بادغیس کې سږ د زعفرانو ۱۳ ننداریزې قطعې جوړ شوي](https://www.mail.gov.af/sites/default/files/2020-11/123976110_3786718591352713_5860403768629854565_o.jpg)
۱۸ لړم ۱۳۹۹
د بادغیس ولایت د کرنې، اوبولګولو او مالدارۍ ریاست وایي، چې روان کال په دې ولایت کې د زعفرانو ۱۳ ننداریزې قطعې جوړ شوي دي.
ددغو ننداریزو قطعو د جوړولو په پار د زعفرانو پنځه زره کیلو پیاز پېرل شوي او پر ۱۳ بزګرانو وېشل شوي دي.
دغه راز یاد ریاست ۳۰ کروندګرې مېرمنې د زعفرانو د کرکېلي، حاصل ټولولو او بازارموندنې په برخه کې روزلې دي.
د زعفرانو ننداریزې قطعې جوړول او د بزګرو مېرمنو روزل د ۴۰۲ زره افغانیو په لګښت ددې ولایت د قادس، مقر، آب کمري، قلعه نو ولسوالیو او مرکز کې پلي شوي دي.