۲۷ تله ۱۳۹۹

د پکتیا په ولایت کې د کرنیزو محصولاتو مدیریت اړوند د ۴۱۸ پروژو چارې به په نږدې راتلونکې کېبشپړ او ګټې اخیستنې ته به وسپارل شي. دغه پروژې د برخمن شویو بزګرانو په لس سلنې او دکرنې وزارت په ۹۰ سلنه ونډې سره د ۲۵۸ میلیونه او ۵۷ زره او ۴۰۴افغانیو په لګښت پلي کیږي.

یادې پروژې دپکتیا د مرکز په ګډون ددې ولایت په ټولو ولسوالیو کې پلي کیږي، چې په کې د مڼو ۵۹ سارک صفر انرژۍ سړې خونې، د کچالو ۱۴۰ او د پیازو ۱۲۱ صفر انرژۍ زېرمتونونه او ۴۰ ممیزخونې جوړول او پر یوشمېر بزګرانو د سبو او مېوو ۵۸ وچوونکي لمریز دستګاوې وېشل شامل دي.

دغه پروژې ددې ولایت د کرنیزو محصولاتو مدیریت، د بڼوالو او بزګرانو د محصولاتو خوندي کولو او د دوی د عوایدو زیاتولو په پار پلي شوي دي.