د وزارت د ټولو پروژو له چارواکو سره د کرنې وزارت د سرپرست غونډه
۱ تله ۱۳۹۹
د کرنې، اوبولګولو او مالدارۍ وزارت د سرپرست او نوماند وزیر ډاکټر انوارالحق احدي په مشری د کرنې وزارت د ټولو پروژو د چارواکو په شتون کې غونډه په لاره واچول شوه.
په دې غونډه کې لومړی، د پروژو چارواکو د خپلو اړوندو پروژو د فعالیتونو، لاسته راوړنو، د پروژو تر چتر لاندې سیمو او د خپلو راتلونو پلانونو په هکله د وزارت مشرتابه ته مالومات وړاندې کړل.
د کرنې وزارت چارسمبال او نوماند وزیر ډاکټر انوارالحق احدي د پروژو د ښه پلي کېدو په پار د همکارۍ د اعلان ترڅنګ د غونډې ګډونوالو ته سپارښتنه وکړه، ترڅو هر یوه پروژه د خپلو راتلونکو برنامو او فعالیتونو په هکله په بشپړ ډول خپل معلومات چمتو او وړاندې کړي تر څو په هکله یې اړین ګامونه پورته شي.
