ننګرهار کې د طبق ناروغي پر وړاندې د واکسینو کمپاین پیل شو
۲۵ کب ۱۳۹۸
د ننګرهار د کرنې، اوبولګولو او مالدارۍ ریاست ددې ولایت په اتو ولسوالیو «خوګیاڼی، سره رود، بهسود، بټي کوت، کامې، ښیوې، دره نور او غني خېلو نوزاد» کې د څارویو د طبق (FMD) ناروغي پر وړاندې د واکسینو کمپاین پیل کړئ دی.
د ننګرهار د کرنې ریاست وایي، چې ددې کمپاین په لړ کې پر ۸۰ زره وړو او لویو څارویو د طبق ۸۰ زره دوزه واکسین پلي کیږي، چې ددې ولایت د څارویو د خوندي تابه په برخه کې ګټور ګام او د څارویو د طبق د ناروغي د کچې په ټېټولو کې مرسته کوي.
طبق یوه خطرناکه ناروغي ده، چې د اخته څارویو او محصولاتو سره دتماس په نتیجه کې په سرعت سره لېږدول کیږې.
ددې کمپاین په پلي کېدو سره د طبق ناروغي د پراختیا مخه نیول کیږي او ترڅنګ یې د مالدارانو مالونه خوندي او اقتصادي پیاوړتیا ته یې زمینه برابریږي.
