د ننګرهار په هسکه مېنه ولسوالی کې پر ٤٠ کاریګرو د کار په بدل کې نغدې پیسې ووېشل شوې
۲۰ برګولی ۱۴۰۵ هـ.ش
۲۴ ذُوالحجّة ۱۴۴۷ هـ.ق
د ننګرهار د کرنې، اوبو لګولو او مالدارۍ ریاست په هڅو او د ډنمارک د کډوالو نړیوالې «ډيارسي» ادارې په مرسته د ننګرهار په هسکه مېنه ولسوالی کې د کانال او چکډېم جوړولو په برخه کې دسیمې ٢١٠ کاریګرو ته د کار زمینه برابره شوي ده، چې ٤٠ تنو ماهر او غیر ماهرو کاریګرو ته نغدې پیسې ورکړل شوې.
د ننګرهار د کرنې، اوبو لګولو او مالدارۍ رییس مولوي عبدالستار محمد وویل، چې د هسکې مېنې ولسوالی د خم کلي کانال او چکډېم کې ٢١٠ تنو ته د ٣٠ورځو لپاره د کار زمینه برابره شوې ده.
ښاغلي محمد زیاته کړه، چې یاد کانال ٦٢٢ متره اوږدوالې لري، چې دکانال په مسیر کې اړتیا ته په کتو بېلابېل ساختمانونه جوړېږي چې ددې سره به ١٤٥٥ جریبه ځمکي خړوبي او په منظم دول اوبه ورسېږي.
د ننګرهار دکرنې رییس وایي، چې د کانالونواو چکدېمونو جوړولو موخه د اوبو ښه مدیریت، ضایعاتو مخنیوي او د ځمکې لاندې اوبو تاندول دي.
