بغلان کې یوشمېر بزګرانو ته د خټکویو کرکیلې په اړه روزنه ورکړل شوه
۳۰ غویی ۱۴۰۵ه.ش
۳ ذُو الحِجَّةِ ۱۴۴۷ه.ق
د بغلان ولایت د کرنې، اوبو لګولو او مالدارۍ ریاست تر چتر لاندې، د دهنه غوری ولسوالی د کرنیزو چارو مدیریت مسلکي کارمندانو لهخوا د یادې ولسوالی بزګرانو ته د خټکیو د کرکېلې په اړه معلومات وړاندې شو.
په دغه روزنه کې بزګرانو ته د خټکیو د کرکېلې مهم تخنیکونه، د تخم د کرلو مناسب وخت، د ځمکې چمتو کول، د سرې استعمال، او د حاصلاتو د ښه والي لارې چارې په عملي او نظري ډول تشریح شول.
د بغلان ولایت کرنې، اوبو لګولو او مالدارۍ ریاست ژمن دی، چې د کروندګرو د ظرفیت لوړولو او د عصري کرنې د ترویج په موخه به ورته پروګرامونه دوامداره وساتي.
د یادونې وړ ده، چې تیر کال په بغلان ولایت کې د خټکیو په حاصلات کې د پام وړ زیاتوالی راغلی و او سږ کال هم تمه کېږي، چې د خټکیو حاصلات د پام وړ ډېر شي.
