افغانستان ته د ازبېکستان د کرنې د مرستیال وزیر سفر
۲۶ وری ۱۴۰۵ه.ش
۲۸ شَوّالُ المُکَرَّم ۱۴۴۷ه.ق
د ازبېکستان د کرنې مرستیال وزیر، ابدذکروف جمشید، د کرنې او مالدارۍ په برخه کې د همکارۍ د پراختیا او د دواړو هېوادونو ترمنځ د اقتصادي اړیکو د پراختیا په موخه افغانستان ته په رسمي سفر راغی.
د دې سفر اساسي موخه د بڼوالۍ د پروژو ارزونه او تطبیق، د تخنیکي همکاریو پیاوړتیا او د اسلامي امارت د کرنې، اوبو لګولو او مالدارۍ وزارت له چارواکو او متخصصینو سره لیدنې کتنې ښودل شوې دي.
د ازبېکستان دکرنې مرستیال وزیر افغانستان ته تر رسېدو وروسته، د کرنې، اوبو لګولو او مالدارۍ وزارت د قدرتي سرچینو لوی رییس مولوي عبدالاحد خلیل له لوري تود هرکلی وشو.
دا سفر په داسې حال کې ترسره کېږي، چې د افغانستان او ازبېکستان ترمنځ د کرنې او مالدارۍ په سکتورونو کې د دوه اړخیزو همکاریو د پراختیا هڅې ورځ تر بلې زیاتېږي.
