دهلمند ولایت بولان انارباغ د نیالګیو روزنځای کې د زردالو تخمونه وکرل شول
۱۳ وری ۱۴۰۵ه.ش
۱۵ شَوّالُ المُکَرَّم ۱۴۴۷ه.ق
د هلمند ولایت د کرنې، اوبو لګولو او مالدارۍ ریاست اړوند د قدرتي سرچینو آمریت له لوري، د بولان د انارباغ نیالګیو روزلو قوریه کې د زردالو تخمونه وکرل شول.
په دې لړ کې د یاد آمریت مسلکي کارمندانو له خوا د زردالو ترخو زڼو شاوخوا ۱۵۰ کیلوګرامه تخم په څلورو ۴ جریبه ځمکه کې وکرل شول، چې موخه یې د باکیفیته نیالګیو تولید، د شنو ساحو پراختیا او د طبیعي سرچینو پیاوړتیا ده.
یاد فعالیت د کرنې ریاست د پلان له مخې ترسره شوې او ټاکل شوې ده، چې له دې لارې به په راتلونکي کې د سیمې لپاره معیاري او اصلاح شوي نیالګي چمتو کړل شي.
دیادولو ده، چې د هلمند کرنې ریاست اداره هڅه کوي ترڅو د نیالګیو د روزنې او ساتنې په برخه کې خپلو هڅو ته دوام ورکړي، ترڅو د چاپېریال ساتنې او زرغونتیا په برخه کې لا زیات اغېزمن ګامونه پورته شي.
