دننګرهار لعلپورې ولسوالی کې د ۲۰ کیلومتره کانالونو پاککاري او بیارغونه بشپړه شوه
٦ وری ۱۴۰۵ه.ش
٨ شَوّالُ المُکَرَّم ۱۴۴۷ه.ق
د ننګرهار ولایت د لعلپورې ولسوالی په بېلابېلو سیمو کې د اوبو لګولو د سیستم د ښه والي په موخه د ۲۰ کیلومتره کانالونو پاککاري او د یو شمېر برخو اساسي بیارغونه ترسره شوې ده.
دغه پروژه د ننګرهار د کرنې، اوبو لګولو او مالدارۍ ریاست په هڅو، د نابینایانو سمون مؤسسې په تخنیکي همکارۍ او د ملګرو ملتونو د خوړو نړۍوال پروګرام (ډبلیواف پي) په مالي ملاتړ د لعلپورې ولسوالی د سده، ګرداوي، ګلډاګ او شاکوټي کلیو کې عملي شوې ده.
د یاد ولایت د کرنې، اوبو لګولو او مالدارۍ رییس مولوي عبدالستار محمد وویل، چې د دې پروژې له لارې د کرنیزو ځمکو لپاره د اوبو منظم رسونه او د اوبو اغېزمن مدیریت ته زمینه برابره شوې ده. نوموړي زیاته کړه، چې د کانالونو پاککاري او بیارغونې چارې د سیمې د کرنیز سکتور د پیاوړتیا لپاره مهم ګام بلل کېږي.
