ننګرهار کې د غیر موسمې سبو تولید په موخه ١٣٦ شنې خونې جوړېږي
د ننګرهار د کرنې، اوبو لګولو او مالدارۍ ریاست په هڅو د نوي مشورتي او مرستندویه مؤسسې «انسیاراو» په تخنیکي او د ملګرو ملتونو د کرنې او خوړو ادارې «افاېاو» په مالي لګښت د ننګرهار په ١١ ولسوالیو کې ١٣٦ تنو مېرمنو ته د غیر موسمي سبو تولید په موخه وړې شنې خونې جوړېږي.
د ننګرهار د کرنې، اوبو لګولو او مالدارۍ رییس مولوي عبدالستار محمد وویل، چې د ننګرهار په کوټ، لعلپوره، حصارک، سره رود، کامه، بټي کوټ، هسکه مېنه، بهسود، کوزکونړ، رودات، دره نور او دوربابا ولسوالیو کې مېرمنو ته شنې خونې د کال په بېلا بېلو موسمونو کې د سبو تولید، د کمې ځمکي څخه ډېر حاصل ترلاسه کولو او د کورنیو د اقتصادي پیاوړتیا په موخه شنې خونې جوړېږي.
ښاغلي محمد وویل، چې په ولسوالیو کې سروي په شفاف ډول ترسره شوي او د سیمو د تخنیکي ارزونو وروسته به عملآ د شنو خونو جوړولو چارې پیل شي.
