د میدان وردګو دکرنې ریاست: د بادامو ۱۲ زره نیالګي وېش ته چمتو دي

۱۰ کب ۱۴۰۴ه‍.ش
۱۲ رَمَضانُ المُبارَک ۱۴۴۷ه‍.ق
د میدان وردګ ولایت د مرکز میدان ښار اړوند د شهرنو په سیمه کې، د ډاکټید مؤسسه له لوري د کرنې، اوبو لګولو او مالدارۍ ریاست ته د «بي‌ډي‌ان» دفتر په چوکاټ کې ۱۲ زره اصله د بادامو نیالګي وسپارل شول.
د یادو نیالګیو له سپارلو وروسته، د میدان وردګو ولایت د کرنې، اوبو لګولو او مالدارۍ رییس مولوی خان محمد حقمل او ورسره مل پلاوي له نیالګیو څخه لیدنه وکړه. د لیدنې پر مهال څرګنده شوه، چې ټول نیالګي تازه، سالم او د کېنولو لپاره په ښه حالت کې دي.
د میدان وردګو دکرنې رییس د بادامو نیالګیو پر تراوتازه والي خوښي وښوده او ویې ویل، چې د پسرلي موسم په رارسېدو سره د نیالګیو د استراحت  مرحله د پای ته رسېدو په حال کې ده او دا مناسب وخت دی څو د خلکو په همکارۍ په بېلابېلو سیمو کې کېنول شي.
د میدان وردګو ولایت د کرنې ریاست د پلان له مخې، یاد نیالګي به لومړی د مسلکي کارکوونکو له لوري جوړ، شاخه‌بري او د کېنولو لپاره چمتو شي، او وروسته به د خلکو د غوښتنې پر بنسټ په عام‌المنفعه ځایونو کې ووېشل شي.
چارواکي وایي، د دغو نیالګیو وېش به نه یوازې د چاپېریال په سمسورتیا او د سیمې په ښکلا کې مهم رول ولوبوي، بلکې د اوږدمهاله اقتصادي ګټو او د مېوه لرونکو ونو د ترویج لامل به هم وګرځي.

ریاست زراعت میدان وردک: ۱۲ هزار نهال بادام برای توزیع آماده است
۱۰ حوت ۱۴۰۴ هـ.ش
۱۲ رمضان‌المبارک ۱۴۴۷ هـ.ق
در مربوطات مرکز میدان‌شهر ولایت میدان وردک، در ساحه شهرنو، از سوی مؤسسه داکتید در چارچوب دفتر «بی‌دی‌ان»، ۱۲ هزار اصله نهال بادام به ریاست زراعت، آبیاری و مالداری تسلیم داده شد.
پس از تسلیم‌دهی این نهال‌ها، مولوی خان محمد حقمل رئیس زراعت، آبیاری و مالداری ولایت میدان وردک همراه با هیأت همراه از نهال‌ها دیدن نمود. در جریان این بازدید، مشخص گردید که تمامی نهال‌ها تازه، سالم و در وضعیت مناسب برای غرس قرار دارند.
رئیس زراعت میدان وردک از تازگی و کیفیت نهال‌های بادام ابراز خرسندی کرده و گفت که با نزدیک‌شدن فصل بهار، مرحله استراحت نهال‌ها در حال پایان است و این زمان مناسبی برای غرس آن‌ها با همکاری مردم در مناطق مختلف می‌باشد.
بر اساس پلان ریاست زراعت، این نهال‌ها نخست توسط کارمندان مسلکی آماده‌سازی، شاخه‌بری و برای غرس مهیا می‌شوند و سپس مطابق تقاضای مردم در ساحات عام‌المنفعه توزیع خواهند شد.
مسوولان می‌گویند که توزیع این نهال‌ها افزون بر سرسبزی محیط زیست و زیبایی منطقه، در درازمدت سبب ایجاد منافع اقتصادی و ترویج درختان میوه‌دار نیز خواهد شد.