د خوست ګربزو ولسوالی کې د بڼونو خوندیتوب په پار د ژمني تېلو استعمال چارې پیل شوې
۱۴ سلواغه ۱۴۰۴ه.ش
۱۵ شَعبان المُعَظّم ۱۴۴۷ه.ق
د خوست د کرنې، اوبو لګولو او مالدارۍ ریاست د ګربزو ولسوالی ترویج مدیریت کارکوونکو له لورې د ګربزو ولسوالی په بڼونو کې د ژمني تېلو استعمال چارې پیل شوي. د ګربزو ولسوالی د ترویج مسؤلینو په وینا دوی هڅه کوي د بڼونو ساتني او ناروغیو مخنیوي په موخه د ژمني تېلو استعمال چارې د ګربزو ولسوالی په ټولو بڼونو کې تطبیق کړي، ترڅو په راتلوونکي کې بڼونه د ناروغیو د عاملینو د خطر څخه خوندې وساتل شي. دغه راز بڼوالو ته د ژمني تېلو استعمال، جوړولو، ارزښت او نورو برخو کې لازمې سپارښتنې هم وشوې.
همهاله بڼوالو ته په بڼونو کې د ښاخ برۍ، اوبو لګولو، هرزه وښو کنټرول، چونه کارۍ او نرم کارۍ په برخه کې روزنه هم ورکول کېږي.
