کندهار کې پر سلګونو کورنیو د کورنیو بنګیو جوړولو توي او د سبو تخمونه ووېشل شول
۲۹ مرغومې ۱۴۰۴ه.ش
۲۹ رَجَب المُرَجَّب ۱۴۴۷ه.ق
د کندهار کرنې، اوبو لګولو او مالدارۍ ریاست په هڅو، د «ډيآرسي» سازمان په مالي ملاتړ، د بشري خیریه مؤسسې« اواچډبلیو» په تخنیکي همکارۍ ددې ولایت د کندهار دامان، ارغستان او خاکریز ولسوالیو کې ۲۸۱ بېوزلو او اړمنو کورنیو ته د کوچنیو بڼګیو جوړولو توکي او تخمونه ووېشل شول.
د کندهار دکرنې ریاست چارواکي وایي، چې په دې مرسته ۹۶ کورنۍ د ارغستان، ۹۵ کورنۍ د خاکریز او ۹۰ کورنۍ د دامان ولسوالۍ شامل دي، چې هري کورنۍ ته د رومیانو، بینډیو، روي بانجان او سبو تخمونه او ترڅنګ د کرنې وسایل وېشل شوي دي.
د یادې مرستې موخه د بیوزلو کورنیو ملاتړ، د کورنیو کورنیو اقتصاد راپورته کول، د بیوزلو کورنیو اقتصاد ته وده او پراختیا ورکول دي.
د یادونې وړ ده، چې یوه اوونۍ وړاندې د همدې مؤسسې په تخنیکي همکاري ۱۴۰ نورو کورنیو ته د هګیو چرګې، خوراکه او د فارم جوړولو توکي هم وېشل شوې وې.
