د کابل په دوو ولسوالیو کې پر لسګونو بڼوالو د بڼوالۍ توکي ووېشل شول
۲۱مرغومې ۱۴۰۴ه.ش
۲۱ رَجَب المُرَجَّب ۱۴۴۷ه.ق
د کابل دکرنې، اوبولګولو او مالدارۍ ریاست د روپاني مؤسسې په همکارۍ ددې ولایت د پغمان او چهاراسیاب ولسوالیو پر ۲۰۰ بڼوالو د بڼوالۍ توکي وېشلي دي.
ددې مرستې په ترڅ کې پر هر بڼوال کیمیاوي سره، کراچۍ، پلاسټیک، بېل، لاسي کشک، آب پاش، سطل، کلنګ او یوشمېر نور توکي وېشل شوي دي.
دغه توکي، چې د کابل دکرنې ریاست د چارواکو په شتون کې پر دغو بڼوالو وېشل شوي دي، موخه یې په یادو ولسوالیو کې د بڼوالۍ سکټور ودې او پراختیا ته زمینه برابول او په ټوله کې د بڼوالو ملاتړ ښودل شوی دی.
