ننګرهار کې یوشمېر چرګانو پلورونکو ته روغتیایي کڅوړې ورکړل شوې
۲۲ مرغومي ۱۳۹۸
د ننګرهار د کرنې، اوبولګولو او مالدارۍ ریاست دکرنیزې پرمختیا سیمه ییز پروګرام (RADP- Est) په همکارۍ د جلال اباد ښار ۵۰ تنه چرګانو پلورنکو ته د روغتیا ساتنې په موخه روغتیایي کڅوړې ورکړي دي.
د ننګرهار د کرنې، اوبولګولو او مالدارۍ ریاست اړوند د حیواني روغتیا سرپرست امر ډاکټر رحمت الله رحمت د روغتیايي کڅوړو د وېش په هکله وویل: «په دغو کڅوړو کې بېلابېل توکي لکه چاقوګان، ساتور، د حلالې میز، ابدان، دستکشې، ماسک، سرپوښ داره ډرمونه او نور اړین توکي شامل دي.»
د رحمت په خبره ددې کڅوړو له وېشلو موخه؛ د چاپېریال ساتنه، د چرګانو له ناروغیو د پلورونکو خوندي کول، د چرګانو د ناروغیو د خپراوي مخنیوی، د چرګانو صحې غوښې تولید او د اړوندو ستونزو هوارول دي.
باید وویل شي، چې له دغو مرستو برخمن شوي پلورونکي دکرنیزې پرمختیا سیمه ییز پروګرام (RADP- Est) له خوا روزل شوي هم دي.
