کندز کې د انجې ترویج او پراختیا په پار هڅې؛ چهاردې کې د انجې نیالګي ووېشل شول
د کندز دکرنې، اوبولګولو او مالدارۍ ریاست د ډاکار مؤسسې په همکارۍ په دې ولایت کې د انجې د کرکیلې ترویج او پراختیا په پار پر یوشمېر بزګرانو د انجې نیالګي وېشلي دي.
د کندز دکرنې ریاست د چارواکو په خبره ددې پروسې په لړکې هر بزګر ته اته زره د انجې نیالګي ورکړل شوي، او ترڅنګ یې برخمن شویو بزګرانو ته د انجې دکرکیلې او ساتنې په پار اړین او فني روزنه هم ور کړل شوي دي.
ددې مرستې موخه په دې ولایت کې د انجې بوټي دکرکیلي پراختیا، دکروندګرو اقتصادي ودې ته زمینه برابرول او په ټوله کې په دې ولایت کې د انجې کرکیلي دودول ښودل شوي دي.
