دهلمند موسی کلا کې سلګونه کاریګرو او بزګرانو ته نغدې مرسته ووېشل شوه
۱ مرغومې ۱۴۰۴ه.ش
۱ رَجَب المُرَجَّب ۱۴۴۷ه.ق
د هلمند ولایت د کرنې، اوبولګولو او مالدارۍ ریاست لهخوا، د موسی کلا ولسوالی د کرنیزو خدمتونو مدیریت تر چتر لاندې، دبشري مرستو مؤسسې له لوري په یادې ولسوالی کې ۷۰۰ تنو کاریګرو ته میاشتنۍ حقالزحمه ووېشل شوه.
یاده توزیع د ګډ پلاوي په حضور کې ترسره شوه، چې پر بنسټ یې هر کاریګر ته د ۶۴۰۰ افغانیو په اندازه نغدي مرسته ورکړل شوه. دا مرستې په داسې حال کې ورکول کېږي، چې یاد کاریګر څه موده وړاندې د همدې مؤسسې له لوري د باراني اوبو د مهار او جذب په موخه د کډیانو (کندو) پر کښلو بوخت وو.
سربېره پر دې، ۹۰ تنو د اوښ مارغه روزونکو ته د ۳۲۰۰ افغانیو، ۱۶ تنو ته چې په پام کې ده شنې خونې ورکړل شي د هر نفر لپاره ۳۲۰۰ افغانیو، او همدارنګه ۴۱ تنو ته د کورنیو باغچو د جوړولو په موخه د ۳۲۰۰ افغانیو په اندازه نغدي مرستې ووېشل شوې.
د یادونې وړ ده، چې تر دې وړاندې هم د بشري مرستو خیریه مؤسسې له لوري په موسی کلا ولسوالی کې ورته بشري او معیشتي مرستې ترسره شوې دي، چې تر ډېره ورسره د خلکو اقتصاد کې بهبود راغلي دی.
