لوګر کې د کرنې او مالدارۍ پراختیا په پار سکټوري غونډه دائره شوه

۱۲ لیندۍ ۱۴۰۴ هـ.ش
۱۲ جُمَادَى الثاني ۱۴۴۷ هـ.ق
د لوګر د کرنې، اوبولګولو او مالدارۍ رییس په مشري په دې ولایت کې د سکټوري اداراتو په ګډون د ټولو هغو مؤسسو چې د کرنې او مالدارۍ په برخه کې کار کوي د استازو په ګډون سکټوري غونډه دائره شوه.
په یاده غونډه، چې د لوګر د کرنې رییس مولوي شیر آقا «پیر حبيب الرحمن» په مشرۍ ترسره شوه، پکې د ولایت مقام، کلیو بیا رغونی او پراختیا رياست، اقتصاد ریاستونو استازو، د کرنې، اوبو لګولو او مالدارۍ رياست آمرينو او د مرستندویه موسساتو مسؤلينو ګډون کړی وو.
د غونډې په پیل کې د لوګر د کرنې رییس «پیر حبیب الرحمن» د همکارو برنامو د تېرو کړنو د راپورونو او راتلونکو پلانونو له اوريدنې وروسته د همکارو برنامو له مسولينو وغوښتل، چې کرنې او مالدارۍ په برخه کې د مرستو جلبولو هڅه وکړي، همدا راز ښاغلی «پیر حبيب الرحمن» زياته کړه چې خپلې راتلونکې پروژې د سکتوري رياستونو سره په همغږۍ په لوړ کيفيت سرته ورسوي او همدارنګه وويل چې کرنه د هېواد د اقتصاد په لوړولو کې مهم رول لري، او له مؤسسو څخه یې وغوښتل چې د کرنې، مالدارۍ، ترویج او همکارۍ په برخه کې لا ډېرې همکارۍ وکړي.
ښاغلي پیر حبیب الرحمن زیاته کړه، چې د کرنې د سکتور د اعیار لوړولو لپاره باید معیاري کړنې عملي شي او د کرنیزو محصولاتو د ساتنې لپاره د معیاري سړو خونو جوړولو او ملاتړ په برخه کې د مؤسسو له لوري لازمې همکارۍ ترسره شي.
ورپسې د همکارو برنامو مسولينو په خپل وار سره د خپلو ترسره شويو کړنو مفصل راپور وړاندې کړ او خپل راتلونکي پلانونه يې د غونډې له ګډونوالو سره هم شريک کړل.
د یادوني وړ ده، چې د کرنې ریاست سکتوري غونډه په میاشت کي یو ځل د اداراتو او اړونده مؤسسو د لا ښې همغږۍ رامنځته کولو په موخه ترسره کېږي.ش