فراه کې پر زرګونو مستحقو بزګرانو د غنمو اصلاح شوي تخمونه او کیمیاوي سرې وېشل لړۍ پیل شوه
۲ لیندۍ ۱۴۰۴ هـ.ش
۲ جُمَادَى الثانی ۱۴۴۷ هـ.ق
د فراه ولایت د کرنې، اوبولګولو او مالدارۍ ریاست په هڅو، د «سي.اچ.اې» مؤسسې په تخنیکي همکاری او د ملګرو ملتونو د خوړو او کرنې ادارې «اف.اې.او» په مالي ملاتړ، د دغه ولایت په مرکز او ولسوالیو کې پر ۴ زره او ۳۰۰مستحقو بزګرانو د غنمو اصلاح شوي تخم او کیمیاوي سرې وېشل کېږي.
د هر بزګر لپاره ۵۰ کیلوګرامه د غنمو اصلاح شوی تخم، ۵۰ کیلوګرامه توره سره او ۵۰ کیلوګرامه سپینه سره په پام کې نیول شوي دي.
د دغو مرستو موخه د غنمو د تولید زیاتوالی، د کرنیزو محصولاتو کیفیت لوړول او بزګرانو ته د عملي ملاتړ برابرول دي.
