د ننګرهار د مېوو کلیکسون کې پر سټروسو د زخې پیوند تجربې کیږي
۱۱ مرغومي ۱۳۹۸
د ننګرهار د کرنې ریاست اړوند د کرنیزو خدمتونو امریت د مېوو کلیکسون کې د کارپوهانو له خوا له پنځه کلن ځنډ وروسته د سټروسو په اوو نیله بوټو نهه د زخې پیوند تجربې کیږي.
په دې تجربه کې د سټروسو ځانګړنې لکه د عناصرو قلت، ګموز معلومول، د مېوې رنګ، د مېوې اوبه «جوس»، خوږوالی، تروه والی، سوډیم کاربو هایډریډ، کیمیاوي تغییرات، مېوې کې د تیزابو کچه او داسې نور ځانګړنې څېړل کیږي.
دغه راز چاپېریالي شرایطو ته په پام سره او د وزارت مقام له قانوني پړاوونو وروسته په نیله بوټو د زخې پیوند د ښه توافق وروسته تر ټولو ښه ورایټۍ یې بڼوالو ته ورپېژندل کیږي او د کرنیزو خدمتونو مدیریتونو له خوا به بزګرانو ته د کر لپاره ورکول کیږی.
باید وویل شي، چې د ننګرهار د مېوو په کلیکسون کې د سټروسو ۶۶ ډولونه «ورایټۍ» دي، چې ۵۰ یې کورني او ۱۶ یې بهرني دي.
