کندهار کې د پنبې د پروسس او خوراکي توکو د تولید په برخه کې ستره پانګونه

mail-admin
دوشنبه ۱۴۰۴/۸/۱۲ - ۱۱:۵۵
سرمایه‌گذاری بزرگ در بخش پروسس پنبه و تولید مواد خوراکی در کندهار

۱۲ لړم ۱۴۰۴ هـ.ش
۱۲ جُمَادَى الأول ۱۴۴۷ هـ.ق
د کندهار په ولایت کې یو کورني پانګوال د شاوخوا ۵.۴ میلیونه ډالرو په شخصي لګښت د خوراکي توکو د تولید او پروسس په بېلابېلو برخو کې پانګونه کړې ده. پانګه اچوونکی حاجي سلیم کریمي وايي، چې د دې اقدام څخه یې موخه د کارموندنې رامنځته کول، خلکو ته خدمت کول او د هېواد اقتصاد وده ده. 
د نوموړي په وینا، دا پانګونه د کندهار ښار د صنعتي پارک په شاوخوا ۲۰ جریبه ځمکه کې شوې ده او پکې د پنبې پروسس، د چرګانو د دانې، صابون، کنجاړو او غوړیو د تولید برخې شاملې دي. دا مهال شاوخوا ۱۰۰ کسان په دغو فابریکو کې بوخت دي او د برېښنا له برابرېدو سره به د کارکوونکو شمېر ۲۵۰ تنو ته ورسېږي.
کریمي زیاته کړه، چې د چرګانو د دانې د تولید په برخه کې په هر ساعت کې ۲۵ ټنه او د پنبې په برخه کې ۶ ټنه مواد پروسس کېږي. همدارنګه، هره ورځ ۱ ټن صابون، ۳۰۰ پارسل کنجاړه، ۲۰ ټنه مالچ او ۳ ټنه غوړي تولیدېږي او دا محصولات د هېواد بېلابېلو ولایتونو ته عرضه کېږي.
د افغانستان اسلامي امارت د کرنې، اوبولګولو او مالدارۍ وزارت د اطلاعاتواو عامه پوهاوي رییس او ویاند مولوي شېرمحمد حاتمي، کندهار ولایت ته د خپل سفر پر مهال د یاد شرکت له تاسیساتو لیدنه وکړه او د اړینو همکاریو ډاډ یې ورکړ.
د دې پروژې کارګرانو او انجنیرانو د رامنځته شوو کاري فرصتونو هرکلی وکړ او له نورو پانګوالو یې وغوښتل، چې د کورنیو تولیداتو د پیاوړتیا په موخه په افغانستان کې پانګونه وکړي.

تازه ترین اخبار

یکشنبه ۱۴۰۴/۹/۹ - ۱۵:۲۶
Background image

د خالد بن ولید قول اردو رییس ارکان او د لغمان د کرنې رییس د ګمبیري دښتې د ځمکې د منازعې د حل په موخه ناسته ترسره کړه

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
دلغمان د کرنې، اوبولګولو او مالدارۍ رییس مولوي عبدالستار محمد د خپل کار په دفتر کې د خالد بن ولید قول اردو د رییس ارکان الحافظ انځرګل سره د. . .

یکشنبه ۱۴۰۴/۹/۹ - ۱۵:۲۴
Background image

د کندهار نوروزي څېړنیز فارم کې د لمرګل حاصلاتو راټولول پیل شو

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
د کندهار کرنې، اوبو لګولو او مالدارۍ ریاست تر رهبرۍ لاندې، د نوروزي څیړنیز فارم مسؤلینو له لوري د لمرګلي نبات د سږني حاصلاتو راټولولو لړۍ. . .

یکشنبه ۱۴۰۴/۹/۹ - ۱۵:۲۴
Background image

د کندهار ارغنداب کې لسګونه جریبه ځمکه خصوصي سکټور ته په اجاره ورکړل شوه

۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
د کندهار د کرنې، اوبو لګولو او مالدارۍ ریاست تر رهبرۍ لاندې، د اجارې او پانګونې مدیریت له لوري، د ارغنداب ولسوالی د سرکاري بڼ ته څېرمه ۱۰.۵. . .

بازگشت