د کرنې وزارت د اراضۍ ریاست مسلکي بستونو لپاره د تحریري ازموینې بهیر پیل شو
۲۸ تله ۱۴۰۴ هـ.ش
۲۷ رَبِیعُ الْثاني ۱۴۴۷ هـ.ق
د کار اهل کسانو ته د کار د سپارلو په موخه، د کرنې، اوبولګولو او مالدارۍ وزارت د اراضۍ ریاست د مسلکي بستونو لپاره د وړ داوطلبانو څخه د تحریري ازموینې اخیستلو بهیر د یاد وزارت د کارکوونکو چارو ریاست له لوري پیل شو.
دا ازموینه د کرنې وزارت د اراضۍ په ریاست کې د لسګونو خالي پوستونو د ګمارنې لپاره اخیستل شوې ده، ترڅو هغه نوماندان چې په بریالیتوب سره ازموینه کې بریالي شي د مسلکي کارکوونکو په توګه خالي پوستونو ته وګمارل شي.
د کرنې وزارت چارواکي وایي، دا بهیر د امیرالمؤمنین حفظهالله د هدایت پر بنسټ ترسره کېږي، او بریالي کسان به د بیلابیلو برخې د کارپوهانو په توګه به د ځمکو ریاست کې استخدام شي.
د دې ازموینې په لومړي پړاو کې، ۵۰ تنه د جیآیاِس او ځمکپوهنې د برخو فارغانو ګډون کړی، تر څو د بریالیتوب په صورت کې په ټاکلو بستونو کې دنده ترسره کړي او د خلکو به چوپړتیاوې وړاندې کړي.
