ننګرهار کې د کرنې او مالدارۍ خونه پرانستل شوه
![ننګرهار کې د کرنې او مالدارۍ خونه پرانستل شوه](https://www.mail.gov.af/sites/default/files/2019-12/80388885_2922136987810882_5331827097662914560_o.jpg)
۱ مرغومی ۱۳۹۸
د ولسمشر محمد اشرف غني د حکم پر اساس د کرنې وزارت له لوري د هېواد په شپږو زونونو کې د کرنې او مالدارۍ خونې پرانستل کیږی چې په ترڅ کې یې په ننګرهار کې عملاً دا خونه پرانستل شوه.
د یادې خونې د پرانستې په مراسمو کې د ننګرهار د کرنې سرپرست رییس ډاکټر محمد ضمیر بهسودي، د سوداګرۍ رییسخالد ګردیوال، له کابله ورغلي پلاوي او په ختیځ کې میشت د کرنې او مالدارۍ شرکتونو مسولینو برخه اخیستې وه.
د ننګرهار کرنې سرپرست ریس ډاکتر محمد ضمیر بهسودي په خپلو خبرو کې دا خونه د کرنې او مالدارۍ په برخه کې د ښې همغږۍ ، ستونزو د حل او چارو د لا ښه والي په برخه کې ګټوره وبلل.
ښاغلی بهسودي وویل، چې ددې خونې اداري چارې لپاره د مدیره هیئت په توګه ۱۹ تنه ټاکل کیږي چې دمګړۍ به د دریو میاشتو لپاره په موقت ډول وټاکل شي او وروسته به ورته د ټاکنو د طرزالعمل مطابق ټاکنې ترسره شي.