د لغمان دوو ولسوالیو کې د څارویو د طبق ناروغۍ د درملنې او د کانګو ناروغۍ د مخنیوی کمپاین پیل شو
۱۴ چنګاښ ۱۴۰۴ ه.ش
۹ مُحَرَّمُ الحَرام ۱۴۴۷ه.ق
دلغمان دکرنې، اوبولګولو او مالدارۍ رییس الحاج مولوي عبدالستار محمد په داسې حال کې، چې د هالینډ کمیټې ولایتي مسؤل ډاکټرمحمدبیدار سیرت او ددې دفترهمکارانو یې ملتیا کوله الیشنګ او دولت شاه ولسوالیو ته د سفر په ترڅ کې د الیشنک ولسواللی قلعه نجیل او د دولت شاه ولسوالی دفراشغان درې په پیتک، نیل خان، منګلپوراو سا نومیر سیمو کې دداخلي پرازیټونو د له منځه وړلو، طبق ناروغۍ درملنې او د کانګو تبې ناروغیو د مخنیوي په موخه د کمپاین پرانیست غونډه وکړه.
دغه کمپاین، چې د سیمه ییزو وټرنرډاکټرانو پر مت ترسره کېږي په ترڅ کې به یې نږدې ۱۸ زره څاروي د طبق او داخلي پرازیتونو پروړاندې درملنه او د کانګو تبې مخنیوي په پار به وقایوې تدابیر ترسره شي.
ددې کمپاین په ترڅ کې به ۱۲ زره او ۲۰۰ څاروي د کانګو تبې پر وړاندې وقایه شي او دغه راز د هغه ۵۵۰ څاریو درملنه به وشي، چې د طبق په ناروغۍ اخته شوي او ترڅنګ یې پنځه زره څارویو ته به د داخلي پرازیتونو ضد درمل ورکړل شي.
باید وویل شي، چې د لغمان کرنې ریاست له خوا تر دې وړاندې هم د کانګو وینهبهېدونکې تبې مخنیوی او د طبق ناروغیو درملیز وقایوي کمپاینونه پلي شوي دي.
