د عشر او زکات لوی رییس په مشرۍ پلاوي لوګر ولایت ته سفر وکړ
د کرنې، اوبو لګولو او مالدارۍ وزارت د عشر او زکات لوی رییس الحاج مولوي ندا محمد عابد په مشرۍ یو پلاوي لوګر ولایت ته سفر وکړ.
د سفر په ترڅ کې، یاد پلاوي لومړی د لوګر ولایت له والي شیخ ضیاالرحمن مدني سره وکتل. وروسته یې د کرنې، اوبو لګولو او مالدارۍ د رئیس سره هم لیدنه وکړه.
ورپسې، یوه ناسته د عشر او زکات د عمومی رییس، د لوګر ولایت د کرنې رئیس مولوي شیر آقا پیرحبیب الرحمن او د عشر او زکات مسؤلینو په ګډون جوړه شوه.
د کرنې رئیس مولوي شیر آقا پیرحبیب الرحمن د راغلي پلاوي تود هرکلی وکړ او له هغوی یې مننه وکړه.
الحاج مولوي ندا محمد عابد د یادې ادارې د هڅو ستاینه وکړه او مسؤلینو ته یې یو لړ ارزښتناکې سپارښتنې وکړې. هغه وویل چې اسلامي نظام د صداقت، امانتدارۍ او خدمت غوښتنه کوي، او ټولو مسؤلینو ته پکار دي چې تر خپلې وسې د اسلام او ولس خدمت ته دوام ورکړي.
هغه زیاته کړه چې مسؤلین باید د نفسانې غوښتنو څخه ځان وساتي او خپل کارونه په شفافیت او اخلاص سره ترسره کړي.
