د ننګرهار مومندره کې د څه باندې ۲.۵میلیونه افغانیو په لګښت یو چکډېم جوړ او ګتې اخیستنې ته وسپارل شو
۱۳ غویی ۱۴۰۴ ه.ش
۵ ذُو ٱلْقَعْدَةِ ۱۴۴۶ه.ق
د کرنې، اوبو لګولو او مالدارۍ وزارت په مالي او د ننګرهار د کرنې ریاست په تخنیکي همکارۍ د ۲ میلیونه،۵۴۶ زره او ۲۹۰ افغانیو په لګښت د مومندرې ولسوالی یوچکډېم جوړ او ګټې اخیستنې ته وسپارل شو.
دغه چکډېم چې د ننګرهار د موندرې ولسوالی په غزګی کلې کې جوړ شوی ۴۳.۵ متره اوږدوالی، درې متره سور او ۸.۷۵ متره لوړوالې لري.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې یاد چکډېم د لس زره متر مکعبه اوبو د زېرمه کولو ظرفیت لري، چې د ځمکي لاندې اوبو د سطحې لوړالې ترڅنګ به سلګونه جریبه ځمکو ته د اوبو رسولو زمینه هم برابره کړي.
ښاغلي محسن وویل، چې دچکډېم په جوړېدو کې د سیمي ۳۰۰ تنو ځوانانو ته د کار زمینه هم برابره شوې وه.
وړاندې تردې هم د امیرالمومنین حفظه الله په ځانګړې لورینه د ننګرهار په نورو ولسوالیو کې هم یو ـ یو چکډېم جوړ او ګټي اخیستنې ته سپارل شوي دي.
د د غو چکډېمونو د جوړېدو موخه د اورښتونو د اوبو راټولول، د ځمکې لاندې د اوبو سطحې لوړول، او د بزګرانو او مالدارانو لپاره د اوبو ستونزې کمول دي.
