ننګرهار کې ۲۰۰ بزګرانو سره د اصلاح شوي تخمونو، کیمیاوي سرو او کرنیزو توکو مرسته وشوه
۲۶ وری ۱۴۰۴ ه.ش
۱۷ شَوّالُ المُکَرَّم ۱۴۴۶ه.ق
د ننګرهار د کرنې، اوبو لګولو او مالدارۍ ریاست سره په همغږۍ د اسلامیک ریلیف مؤسسې د هیلپ پروژې تر چتر لاندې په خوږیاڼو او شېرزادو ولسوالیو کې ۲۰۰ بزګرانو ته د ممپلیو او لوبیا اصلاح شوي محلي تخمونه ووېشل شول.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې په خوږیاڼو ولسوالۍ کې ۱۰۰ تنو بزګرانو ته د ممبلیو او په شېرزادو ولسوالۍ کې ۱۰۰ تنو نورو بزګرانو ته دلوبیا محلي اصلاح شوی تخمونه چې هر بزګر ته ۳۵ کیلو ګرامه ممپلیو تخم، ۱۴ کیلو ګرامه لوبیا تخم او هر بزګر ته ۵۰ کیلو ګرامه توره سره، ۵۰ کیلو ګرامه سپینه یا یوریا سره او لس قلمه کرنیز وسایل ورکړل شو.
ښاغلي محسن وویل، چې په کرنیزو وسایلو کې بېلچه، کراچۍ، کوداله، موزې، دستکشی، رمبی، لور، پنجي، درمل شېندلو پمپ او اوپلاستیکي پچۍ ورکړل شوي.
د یادو مرستو موخه د کرنې سکتور پیاوړتیا د بزګرانو لاسنېوي، او د خوړو خوندیتوب رامنځته کول دي.
