کندهار کې د څارویو فارمونو لپاره د کانګو ناروغۍ د مخنیوي وقایوي کمپاین پیل شو
۲۶ وری ۱۴۰۴ ه.ش
۱۷ شَوّالُ المُکَرَّم ۱۴۴۶ه.ق
د کندهار د کرنې، اوبو لګولو او مالدارۍ ریاست په مالي ملاتړ، د مالدارۍ آمریت د مسلکي او فني وترنرانو او پاراوټرنرانو په تخنیکي همکارۍ د کانګو ناروغۍ د مخنیوي په موخه د درملو پاشلو وقایوي کمپاین پیل شو، چې په پایله کې به یې د کندهار ښار او شاوخوا ولسوالیو په ګډون په ۴۰۰ څارویو فارمونو کې د درمل شیندنې پروګرام ترسره شي.
د کندهار دکرنې او مالدارۍ ریاست د مالدارۍ آمریت ډاکټر توریالي قیام وویل، چې ددې کمپاین په ترڅ کې د ارغنداب ولسوالی ۴۰ فارمونه دمل پاشي شوي دي د دوی په خبر چې د دې کمپاین په ترڅ کې به د دوو میاشتو په موده کې د کندهار ښار او یوشمېر نږدې ولسوالیو ۴۰۰ څارویو فارمونه د کانګو ناروغۍ په وړاندې درمل پاشي شي.
نوموړي زیاتوي چې په یاد کمپاین کې به د څارویو غوجلې، ګنجونه او فارمونه تر پوښښ لاندې راشي. هغه زیاته کړه، چې د درمل شیندنې ترڅنګ، فارمدارانو ته د وقایوي تدابیرو، محافظتي وسایلو کارولو او د کانګو ناروغۍ د نښو نښانو په اړه لازمې سپارښتنې هم ورکول کېږي، ترڅو دا کمپاین په مؤثر ډول تطبیق شي.
د دې وقایوي کمپاین موخه د ویروسي تبې د خپرېدو مخنیوی، د واښو سپوږدو له منځه وړل، او د څارویو لپاره د پاک او خوندي چاپېریال برابرول دي. دا هڅې به د مالدارۍ سکتور ته د روغتیا له اړخه ځانګړې پاملرنه وکړي او د دې برخې سالم پرمختګ ته به هم زمینه برابره کړي.
د یادونې وړ ده، چې دوه اوونۍ وړاندې هم د کندهار په څلورو لرې پرتو ولسوالیو کې د چنجیو د ناروغیو پر ضد وقایوي کمپاین پیل شوې وه، چې په ترڅ کې یې د لسګونو څارویو درملنه کېږي.
د کرنې، اوبو لګولو او مالدارۍ وزارت په پراختیایي بودیجه، د کندهار کرنې اوبو لګولو او مالدارۍ رباست تر رهبرۍ لاندې، د مالدارۍ آمریت د مسلکي او فني وترنرانو او پاراوټرنرانو په تخنیکي همکارۍ د کانګو ناروغۍ د مخنیوي په موخه د درملو پاشلو وقایوي کمپاین پیل سوي وه. چې د یاد کمپاین په ترڅ کې د ارغنداب ولسوالۍ د څارویو ۴۰ لوی فارمونه درمل پاشي سوه.
د دې وقایوي کمپاین موخه د ویروسي تبې د خپرېدو مخنیوی، د واښو سپوږدو له منځه وړل، او د څارویو لپاره د پاک او خوندي چاپېریال برابرول دي. دا هڅې به د مالدارۍ سکتور ته د روغتیا له اړخه ځانګړې پاملرنه وکړي او د دې برخې سالم پرمختګ ته به هم زمینه برابره کړي.
