د کرنې وزارت د غلودانو د سټراټیژیکو زېرمو رییس له پېښو سره د مبارزې او چمتووالي ملي ادارې چارواکو سره وکتل
۲۳ کب ۱۴۰۳ه.ش
۱۳ رَمَضانُ المُبارَک ۱۴۴۶ه.ق
د کرنې، اوبولګولو او مالدارۍ وزارت د د غلودانو د سټراټیژیکو زېرمو رییس مولوی قدرت الله حقیار له پېښو سره د مبارزې او چمتووالي ملي ادارې چارسمبال ملا نورالدین ترابي سره په کتنه کې د عالیقدر امیرالمئومنین حفظه الله تعالی د حکم پلې کولو په موخه وکتل.
دغه غونډه چې له پېښو سره د مبارزې او چمتووالي ملي ادارې په اداره کې دآئره شوې وه، په ترڅ کې یې پر هغه ۳۴۰۰ ټنه غنمو خبرې اترې وشوې، چې د عالیقدر امیرالمئومنین حفظه الله تعالی د حکم په اساس دغه ادارې ته د پېښو رامنځ ته کېدو پر مهال په اختیار کې ورکول کېږي.
په همدې حال کې له پېښو سره د مبارزې او چمتووالي ملي ادارې چارسمبال ملا نورالدین ترابي ددغې ادارې اړوندو چارواکو ته دنده وسپارله، چې د کرنې وزارت دغلو دانو د سټراټیژیکو زېرمو له ریاست سره په دې پرخه کې پوره همغږي وکړي.
