د کابل قره باغ کې د کار په بدل کې نغدې پیسې ووېشل شوې
۱۴ کب ۱۴۰۳ه.ش
۴ رَمَضانُ المُبارَک ۱۴۴۶ه.ق
د کابل ولایت په قره باغ ولسوالی کې هغه سلګونه کاریګرو ته، چې په بېلابېلو کرنیزو پروژو کې په کار بوخت دي نغدې پیسې ووېشل شوې.
یادې پروژې د کابل ولایت قره باغ ولسوالی د کرنې مدیریت تر څار لاندې، په بېلابېلو سیمو کې پلي شوي دي، چې مالي او تخنیکي چارې یې د همکارو مؤسسو له خوا سمبال شوي دي.ددغو پروژو د پلي کولو موخه د اوبو د ضایعاتو مخنیوی، د بزګرانو کروندو ته پروخت د اوبو رسول، خلکو ته د کار زمینه برابرول او په ټوله کې د اوبو مدیریت دی.
