په بهسودو ولسوالۍ کې بزګرانو ته د نمایشي قطعاتو روزنه ورکړل شوه
۸ کب ۱۴۰۳ه.ش
۲۷ شَعبان المُعَظّم ۱۴۴۶ه.ق
د میدان وردګو ولایت، د بهسودو ولسوالۍ د غلهجاتو، تیلي بوټو او حبوباتو مدیریت له لوري، ځینو بزګرانو ته د غنمو د نمایشي قطعاتو په اړه روزنیز ورکشاپ ترسره شو.
د یاد روزنیز پروګرام موخه د بزګرانو د ظرفیت لوړول، د اصلاح شویو ورایټیو رواجول، د پاشان او کتاري کرنې ترمنځ د توپیر څرګندول او د آفتونو او ناروغیو د کنټرول میتودونه معرفي کول وو.
همدارنګه، بزګرانو ته د کرنیزو تجربو او نظریو د تبادلې، د کښت مناسب وخت، د تخم د شیندلو طریقې، د هرزه بوټو کنټرول، کرنیز تناوب او د عضوي او کیمیاوي سرو د استعمال په اړه لازمې لارښوونې وشوې.
