پکتیکا کې یوشمېر بزګران وروزل شول
۱ کب ۱۴۰۳ه.ش
۲۰ شَعبان المُعَظّم ۱۴۴۶ه.ق
د پکتیکا دکرنې، اوبولګولو او مالدارۍ ریاست ددې ولایت د مټاخان ولسوالی هغو بزګرانو ته چې د کرنې ریاست او همکارو مؤسسو له خوا ورته شنې خونې جوړې شوي دي، له شنوخونو څخه د استفادې او مدیریت په هکله روزنیز ورکشاپ دائر شو.
د پکتیکا دکرنې ریاست د چارواکو په خبره ددې روزنیز پروګرام په ترڅ کې یادو بزګرانو ته د شنوخونو بنسټیزې اړتیاوې او مدیریت ښودل شوي دي.
ددې ترڅنګ یادو بزګرانو ته د ناروغیو کنټرول او د کرنیزو محصولاتو د بازارموندنې په هکله هم عملي او نظرې لارښونې وشوې.
د چارواکو په خبره د یادو روزنیزو پروګرامونو موخه د بزګرانو وړتیاوې لوړول دي، چې په راتلونکې کې دوی وکولای شي، له خپلو کروندو څخه غوره حاصلات ترلاسه او نورو بزګرانو ته د مسلکي کرکیلې په برخه کې سلا مشورې ورکړې.
