کندهار کې د ۱۰۰ زره قلمو څخه د قوریې جوړولو چارې پیل شوې

mail-admin
شنبه ۱۴۰۳/۱۱/۲۷ - ۹:۵۴
کندهار کې د ۱۰۰ زره قلمو څخه د قوریې جوړولو چارې پیل شوې

۲۵ سلواغه ۱۴۰۳ه‍.ش
۱۴ شَعبان المُعَظّم ۱۴۴۶ه‍.ق
د کندهار د کرنې، اوبو لګولو او مالدارۍ ریاست په رهبرۍ، د کرنیزو چارو او طبیعي سرچینو آمریتونو په تخنیکي همکارۍ، د ژړۍ ولسوالی ترویجي فارم او د کښته شاولیکوټ ولسوالی منګالي فارمونو کې د ۱۰۰ زره قلمو څخه د مېوه لرونکو قوریو جوړولو چارې پیل شوي. د دې پروژې موخه د راتلونکي کال لپاره د نیالګیو تولید او د مېوه لرونکو ونو پراختیا ده.
په یادو قوریو کې د انګور، انار، انځر او چنار قلمي شاملې دي، چې پر شاوخوا ۱۰ جریبه ځمکه د کرنې، اوبو لګولو او مالدارۍ وزارت د طرزالعمل پر بنسټ کرل کېږي. تمه ده، چې د دوو کالو په اوږدو کې به دا قلمي د کندهار ترڅنګ، نورو ولایتونو ته هم د مېوه لرونکو نیالګیو د تولید او پراختیا لپاره واستول شي.
قوریه د نیالګیو د کرنې، پراختیا او تکثر لپاره کارول کېږي، چې په لومړي پړاو کې قلمي په منظمه توګه په ځمکه کې ایښودل کېږي، او د دوو کلنو وروسته یادې قلمي د میوې او حاصلاتو ترلاسه کولو لپاره نورو ځمکو ته انتقالېږي، ترڅو د مېوو لرونکو ونو کرنه پراخه شي او د سیمې بزګران یې له اقتصادي ګټو برخمن شي.
د قوریو جوړولو اساسي موخه د نیالګیو روزنې ته وده ورکول، د مېوه لرونکو ونو تولید زیاتول، او د کندهار ترڅنګ د هېواد نورو ولایتونو ته د نویو میوو ترویج دی، ترڅو په هېواد دننه د بیلابېلو میوو کرنه زیاته شي او نوي نباتات عام شي.
د یادونې وړ ده، چې څو ورخې مهکې هم د کندهار څېړنیز فارم کې پر ۶۰۰ متره مربع ځمکه د ۶ زره ستوني مېوو لپاره د قوریې کرلو چارې پیل شوې، چې په پایله کې به یې ۱۰۰۰ د شفتالو او ۵ زره د بادامو نیالګي پیوند شي.

تازه ترین اخبار

پنجشنبه ۱۴۰۴/۱/۲۸ - ۹:۰
Background image

د کندهار خاکرېز ولسوالۍ کې د څارویو او کرنیزو ځمکو لپاره د اوبو یو حوض جوړېږي

د کندهار ولایت د خاکرېز ولسوالۍ په سبزل کاریز سیمه کې د څارویو او کرنیزو ځمکو د خړوبولو لپاره د اوبو یو زيرمه‌ییز حوض د څه‌‌باندې ۷۱۳ زره افغانیو په لګښت جوړېږي.
د کندهار د کرنې،. . .

چهارشنبه ۱۴۰۴/۱/۲۷ - ۱۳:۴
Background image

ننګرهار کې د ۵۰ زره امریکایي ډالرو په لګښت د شېدو راټولولو مرکزونه جوړ شول


۲۷ وری ۱۴۰۴ ه‍.ش
۱۸ شَوّالُ المُکَرَّم ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ د افغان ځوانانو خدماتي مؤسسې په تخنیکي همکارۍ او د ملګرو ملتونو د ښځو چارو. . .

چهارشنبه ۱۴۰۴/۱/۲۷ - ۱۲:۵۸
Background image

د هلمند د بولان نیالګیو روزنځای کې د پستې کرنه ترسره شوه


۲۷ وری ۱۴۰۴ ه‍.ش
۱۸ شَوّالُ المُکَرَّم ۱۴۴۶ه‍.ق
د هلمند ولایت د کرنې، اوبولګولو او مالدارۍ ریاست اړوند د طبیعي سرچینو آمریت له لوري، د طبیعي سرچینو د پراختیا په موخه، د بولان قوریې په. . .

بازگشت